Sinopsis
Elba leva un tempo á deriva, deixándose arrastrar. Prometéranlle que a vida ía ser algo máis. Unha mañá érguese soa, espida, despois de rematar por enésima noite coa persoa equivocada. Cando quere marchar, descobre que Toni a deixou atada por accidente. Mentres agarda nesa claustrofóbica soidade, coa gata Mei por única compaña, Elba terá que enfrontarse ás súas pantasmas. Porque o peor cárcere está na nosa mente.
As ruínas dunha relación son o punto de partida para explorar, desde a perspectiva feminina, as dúbidas e contradicións emocionais que supón o paso por outros afectos. Un tema urxente nesta sociedade de vínculos diluídos, que malia negociar constantemente os marcos, non reflexiona sobre as mudanzas que se están a producir.
