Durante a visita do seu mellor amigo da infancia, Juan lembra o seu pasado xuntos no seminario. Juan e Sergio atravesarán o pobo que os viu medrar pasando polos recunchos onde foron felices.
Sergio vivía só na montaña. Mentres pastoreaba as súas cabras no monte, sentía o son da súa gaita abaixo, no pobo da Veiga de Logares (A Fonsagrada). Amigos e veciños fálannos de que foi un virtuoso gaiteiro e gran artista do pobo.
Paula é unha nena que vive nunha aldea de Galicia tras a Guerra Civil. Un día, xogando co seu irmán Pablo, ve un home lobo. Pero é real ou só un produto da súa imaxinación?
Tres nenos (dúas irmás e un irmán) discuten sobre tomar un atallo polo bosque para chegar antes á casa do colexio. Imponse o criterio dos maiores
Vítor deixa a cidade e chega a un pobo onde atopou traballo. Unha antiga casa do arrabalde vaise converter no seu novo fogar de alugueiro onde o espera Cándida, a súa dona.
Onde estamos nós é un documental feminista, de carácter testemuñal, que ten como obxectivo visibilizar a obra audiovisual dalgunhas das directoras máis recoñecidas do ámbito galego.
Ninguén pode escapar das súas raíces, aínda que estas estean completamente podrecidas.
A musicóloga suíza Dorothé Schubarth chegou a Galicia a finais dos 70 buscando os cantos antigos que xa desapareceran no centro de Europa.
Un pobo do rural galego. Algunhas das persoas que quedan nel. A incesante procura da beleza no cotián onde nunca ocorre nada. Ou si?
Na montaña. Na Costa da Morte. Unha anciá. Unha casa. Un computador. Un intento de comunicarse co exterior.
Elba leva un tempo á deriva, deixándose arrastrar. Prometéranlle que a vida ía ser algo máis. Unha mañá érguese soa, espida, despois de rematar por enésima noite coa persoa equivocada.
Tras infinitos camiños de terra, brumas e outeiros, habitan os herdeiros da filosofía de David Thoreau. Tres xeracións que sentiron a chamada cara ao salvaxe, camiñan de forma compasada na mesma dirección: volver conectar coa natureza.
Laura descobre unha antiga caixa que contén varios recordos da súa infancia. Este achado abrirá unha porta na súa memoria cara un lugar descoñecido que a levará a comezar unha viaxe.
Adaptación dun texto do dramaturgo galego Marcos Abalde, Canibalismo trasládanos a unha noite fría na que dous homes dan voltas no seu coche ata atoparse cun esmoleiro que dorme nun caixeiro automático abandonado.
Un home que quere facer a película máis realista do mundo. Un bosque. Unha rapaza. Unha película da que non poderás escapar.
Como todas as noites de fin de ano, Aurora tomará as uvas co seu irmán. Aínda que esta vez será diferente. Vicente acaba de morrer.
Unha familia en descomposición, dous personaxes atormentados, traumas da infancia e unha casa en ruínas nun rural abandonado. Unha historia baseada nun feito real, un feito violento e desesperado.
Un día non recoñeces o que te arrodea; un día comezas a recibir só miradas de mágoa e compaixón; un día ti xa non es ti, aínda que non o saibas.
O colectivo LGBTIQ, e as loitas interseccionais que representa ou pode representar, pénsase nas charlas dos cafés, nas imaxes de arquivo, na manifestación pola lei trans estatal ou no medio dunha montaña, ao longo da historia e dos continentes, me
Este ano pasamos por experiencias estresantes e difíciles por mor da pandemia, confinamentos e cuarentenas están a orde do día pero non todo o mundo o leva da misma maneira. Pero... e se non é covid?
Curtametraxe documental sobre a figura de Luz Pozo Garza, poetisa galega, membro da Real Academia Galega, dos seus derradeiros anos vista polas persoas mais achegadas a ela, tanto no eido persoal coma da súa obra.
Entroidar é un documental que se asenta en tres piares fundamentais: os personaxes que fan Entroido, os lugares nos que se fai Entroido e a propia celebración do Entroido. Buscamos tombar mitos.